தேவகோட்டை சேர்மன் மாணிக்கவாசகம் நடுநிலைப்பள்ளி எட்டாம் வகுப்பு மாணவர்கள், தேவகோட்டை ஸ்ரீ சேவுகன் அண்ணாமலை கலை அறிவியல் கல்லூரியின் அறிவியல் ஆய்வகங்களுக்கு அழைத்துசெல்லப்பட்ட நிகழ்வின் தொகுப்பு உங்களின் பார்வைக்கு.
பள்ளி செயலர் திரு.சோமசுந்தரம் அவர்களின் ஆலோசனையின் பேரில் பள்ளி தலைமை ஆசிரியர் திரு.சொக்கலிங்கம் அவர்கள் பள்ளியின் பட்டதாரி ஆசிரியர் செல்வம் மற்றும் இடைநிலை ஆசிரியர் முத்துலட்சுமி அவர்களுடன் எட்டாம் வகுப்பு மாணவ - மாணவியர்களை கல்லூரி ஆய்வகத்திற்கு அழைத்துச் சென்றனர்.
கல்லூரி முதல்வர் திரு.சந்திரமோகன் அவர்கள் தலைமையில், விலங்கியல் துறை தலைவர் திரு.பட்சிராஜன் முன்னிலையில் வரவேற்பு நிகழ்ச்சி நடைபெற்றது.
மாலையில் கல்லூரி முதல்வர் அவர்கள் மாணவ - மாணவியர்களுக்கு பரிசுகள் வழங்கி பாராட்டினார்கள்.நிகழ்ச்சியின் நிறைவாக தாவரவியல் துறை துணை தலைவர் வீரலட்சுமி அவர்கள் நன்றி கூற மாணவர்களை மகிழ்வித்த இந்நிகழ்வு நிறைவு பெற்றது.
மருத்துவப் படிப்பில் சேர ஒரே நுழைவுத்தேர்வு
இல்லை: சுப்ரீம் கோர்ட் தீர்ப்பு.
புதுடில்லி: நாடு முழுவதும் ஒரே மருத்துவ நுழைவுத் தேர்வு கொண்டு வரும் மருத்துவ கவுன்சிலிங் முடிவுக்கு சுப்ரீம் கோர்ட் மறுப்பு தெரிவித்து விட்டது. இதனால் அந்தந்த மாநிலங்களே மருத்துவ படிப்புக்கான நுழைவுத் தேர்வை முடிவு செய்து கொள்ளலாம் என்றும் தீர்ப்பளித்துள்ளது.
திறந்தவெளியில் கல்வி கற்பிக்கும் அவலம்.
திருச்சி மாவட்டம், திருவெறும்பூர் அருகே பூலங்குடி காலனியில் உள்ள உயர்நிலைப் பள்ளியில் போதிய இட வசதி இல்லாததால், கடந்த 4 ஆண்டுகளாகவே திறந்தவெளியில் கல்வி கற்பிக்கப்பட்டு வருகிறது.
திருவெறும்பூர் அருகேயுள்ள பழங்கானங்குடி ஊராட்சிக்குள்பட்டது பூலாங்குடி காலனி. இங்கு அரசு நடுநிலைப் பள்ளி செயல்பட்டு வந்தது. இப்பள்ளியில் பூலாங்குடி காலனி, கலப்பு காலனி, பழங்கானங்குடி, எலந்தைப்பட்டி, காந்தலூர், சூரியூர், சின்னசூரியூர், போலீஸ் காலனி, அண்ணாநகர், துப்பாக்கி தொழிற்சாலை, நவல்பட்டு உள்ளிட்ட பகுதிகளிலில் இருந்து 600 மாணவ, மாணவிகள் கல்வி பயில்கின்றனர்.
பள்ளிக்கல்வி - பெருந்தலைவர் காமராஜர் அவர்களின் பிறந்தநாளை கல்வி வளர்ச்சி நாளாக கொண்டாடுதல் - மாவட்டத்திற்கு சிறந்தபள்ளியை தேர்ந்தெடுத்து தொடக்கப்பள்ளிக்கு ரூ.25000/-ம், நடுநிலைப்பள்ளிக்கு ரூ.50000/-ம், உயர்நிலைப்பள்ளிக்கு ரூ.75000/-ம், மேல்நிலைப்பள்ளிக்கு ரூ.100000/- வழங்க தமிழக அரசு உத்தரவு. G.O.123 SCHOOL EDUCATION DEPT Dt.15.7.2013
கல்வி உரிமைச் சட்டத்தின் கீழ்: தனியார் பள்ளிகளில் 18,946 மாணவர்களுக்குச் சேர்க்கை.
இலவசக் கட்டாயக் கல்வி உரிமைச் சட்டத்தின் கீழ் ஏழை மாணவர்களுக்கான 25 சதவீத இடஒதுக்கீட்டில் இந்த ஆண்டு 18,946 மாணவர்கள் தனியார் பள்ளிகளில் சேர்ந்துள்ளதாக மெட்ரிக் பள்ளிகள் இயக்குநர் (பொறுப்பு) ஆர்.பிச்சை தெரிவித்துள்ளார்.
கல்வி வளர்ச்சி நாளில் ஒரு அரசாணை பற்றி தெரிந்து கொள்வோமே!
அரசாணை எண். 126 நாள். 11.06.2007.
உயர்நீதிமன்ற வழிகாட்டுதலின் பேரில் பத்தாம் வகுப்பிலிருந்து வகுப்பு XI -க்கு மாணவர்களை சேர்ப்பது சார்ந்த ஆணை.
படித்த அதே பள்ளியில் பத்தாம் வகுப்பிலிருந்து பதினொன்றாம் வகுப்பில் மாணவர்களை சேர்ப்பது புதிய சேர்க்கையாக கருதிட கூடாது. எனவே அதே பள்ளியில் பத்தாம் வகுப்பு முடித்தவுடன் T.C. கொடுத்து பதினொன்றாம் வகுப்பில் மறு சேர்க்கை செய்வது விதிமுறைகளுக்கு எதிரானது என உயர்நீதிமன்ற வழிகாட்டுதலில் குறிப்பிடப்பட்டுள்ளது. அதனை தொடர்ந்து அரசாணை பிறப்பிக்கப்பட்டுள்ளது.
விரிவாக அரசாணையில் படித்து தெரிந்து கொள்வோம். நம் சமுதாயத்தை மேம்படுத்துவோம்.
ஆறாவது ஊதிய குழுவும் ஆசிரியர் சங்கங்களும் - ஓர் கண்ணோட்டம்.
அன்பார்ந்த ஆசிரியர் சமுதாய தோழர்களுக்கு அன்பு வணக்கங்கள். ஆறாவது ஊதிய குழுவினால் இடைநிலை ஆசிரியர்களுக்கு ஏற்பட்டுள்ள
ஊதிய முரண்பாடுகள் முழுமையாக இன்னமும் சரி செய்யப்படவில்லை. தற்போது ஆசிரியர் சங்கங்களால் ஏற்ப்பட்ட நிலைகளை அரசாணையில் குறிப்பிடப்பட்டுள்ள வரிகளை குறிப்பிட்டு ஆதாரங்களுடன் உங்கள் முன் வைக்க விரும்புகிறேன்.
ஊதிய முரண்பாடுகள் முழுமையாக இன்னமும் சரி செய்யப்படவில்லை. தற்போது ஆசிரியர் சங்கங்களால் ஏற்ப்பட்ட நிலைகளை அரசாணையில் குறிப்பிடப்பட்டுள்ள வரிகளை குறிப்பிட்டு ஆதாரங்களுடன் உங்கள் முன் வைக்க விரும்புகிறேன்.
ஆறாவது ஊதிய குழு அரசாணை 234 நாள்.1.6.2009 வெளியிடப்பட்டபோது, தொகுப்பூதியத்தில் பணியேற்று 1.6.2006 - இல் காலமுறை ஊதியத்திற்கு வந்தவர்கள் 1.6.2006 - இல் பெற்று வந்த ஊதியம் பின்வருமாறு,
அடிப்படை ஊதியம் : 4500
அகவிலைப்படி ஊதியம் : 2250
அகவிலைப்படி 24% : 1620
=======
(DA G.O.188.Dt.17.4.06) TOTAL : 8370
=======
ஆறாவது ஊதிய விகிதம் G.O. 234 Dt.1.6.2009 - இல் வெளியான போது இவ்வகையான இடைநிலை ஆசிரியர்களுக்கு நிர்ணயிக்கப்பட்ட ஊதியம்
அடிப்படை ஊதியம் : 5200
தர ஊதியம் : 2800
அகவிலைப்படி : NIL
=======
(New DA (2%) only from 1.7.2006) TOTAL : 8000
=======
முந்தைய ஊதிய விகிதத்தில் பெற்றுவந்த ரூ.8370 ஐ விட புதிய ஊதிய விகித ஊதியம் ரூ.370 குறைவாக இருந்தது. ( 8370 - 8000 = 370)
இவ்வாறான நிலை மொத்தமிருந்த 29 ஊதிய பிரிவினர்களில் 03 ஊதிய பிரிவினர்களுக்கு மட்டுமே ஏற்ப்பட்டது. கல்வித்துறையில் 1.6.2006 இல் காலமுறை ஊதிய விகிதத்திற்கு உட்படுத்தப்பட்ட இடைநிலை ஆசிரியர்களுக்கு மட்டுமே ஏற்ப்பட்டது. அதனை கீழே உள்ள அட்டவணை மூலம் அறியலாம். இந்த அட்டவணை தமிழ்நாடு அனைத்து ஆசிரியர் சங்கம் (T.A.T.A) மூலம் அரசுக்கு அளிக்கப்பட்டுள்ள கோரிக்கை மனுக்களில் முன்வைக்கப்பட்டுள்ளது.
இந்த பாதிப்பை பல்வேறு சங்கங்கள் அன்றைய அரசின் கவனத்திற்கு கொண்டு சென்றனர். அதனால் 1.1.2006 முதல் 31.5.2009 வரை பணியேற்றவர்களுக்கு 1.86 ஆல் பெருக்கிக்கொள்ள வாய்ப்பு கொடுக்கப்பட்டது.
பெற்றுவந்ததை விட குறைவான ஊதியம் பெறும் நிலை எந்தெந்த ஊதிய பிரிவினர்களுக்கு ஏற்பட்ட்தோ அதனை தெளிவாக அரசின் கவனத்திற்கு கொண்டு சென்றிருந்ததால் இடைநிலை ஆசிரியர்களின் ஊதிய விகிதம் மாற்றப்பட்டிருக்கும். சற்று பொறுமையாக படியுங்கள்.
(எப்படி கொண்டு சென்றனர், உள்ளதை உள்ளபடியே அரசின் கவனத்திற்கு கொண்டு சென்றிருந்தால் இடைநிலை ஆசிரியர்களின் ஊதிய பாதிப்பு சரி செய்யப்பட்டிருக்கும் என்பதையும், தவறான தகவலை அரசுக்கு கொடுத்ததால் பெற்று வந்ததை விட நிர்ணயிக்கப்பட்ட புதிய ஊதியத்தில் குறைவு ஏற்படாத ஊதிய பிரிவினர்களுக்கு 1.86 ஆல் பெருக்கிக் கொள்ள வழி வகை ஏற்ப்படுத்தியதையும் நீங்கள் அறிந்துகொள்ள உங்கள் முன் வைக்கிறேன்.)
01.01.2006 முதல் 31.5.2009 வரை புதிய நியமனதாரர்களாக நியமிக்கப்பட்டவர்களுக்கு ஊதியத்தில் குறைவு ஏற்படுவதாக சங்கங்கள் அரசுக்கு தெரிவித்துள்ளன. ஆனால் உண்மை நிலவரமோ மொத்தமிருந்த ஊதிய பிரிவினர்களில் மூன்று ஊதிய பிரிவினர்களுக்கு மட்டுமே ஏற்ப்பட்டுள்ளது. அரசாணை 258 நாள் 23.5.2009. இல் உள்ளதை படியுங்கள்.
Certain Employees / Teachers Associations have brought to the notice of Government that the employees appointed as fresh recruits on or after 1.1.2006 and upto the date of issue of Orders happen to face loss in emoluments while fixing their pay in the revised pay structure and therefore requested to rectify the same by granting pay protection of allowing the fitment benefit to the new entrants as was allowed in the earlier pay commission periods.
முதல் கோணல் முற்றிலும் கோணல் என்பது போல அதற்க்கு பின்னர் தனி ஊதியம் 750 கொடுத்தாலும் அகவிலைப்படிகளோடு ஒப்பிட்டு பார்க்கையில் 1.1.2009-க்கு பின்னர் நியமனம் பெற்றவர்களுக்கு முந்தைய ஊதிய விகித ஊதியமே அதிகமாக உள்ளது.
பணி ஒய்வு பெற்றவர்களை மதிக்கிறோம். விழிப்புணர்வுகளுக்காக பாதிப்புகளை இடைநிலை ஆசிரியர்களின் முன்வைக்க கடமைப்பட்டுள்ளோம்.
பணியாளர்கள் அங்கம் வகிக்க வேண்டியது
பணியாளர் சங்கத்தில்
பணி ஓய்வு பெற்றவர்கள் இருக்க வேண்டியது
ஓய்வு பெற்றோர் சங்கத்தில்
அவரவர் இடத்தில் அவரவர் இருந்தால் அபாயம் ஒன்றுமில்லை
அடுத்தவர் முதுகில் ஏற நினைத்தால் அதனால் வரும் இது போன்ற ஊதிய பாதிப்பு தொல்லை.
ஒரு அரசாணை தொகுப்பின் துவக்கத்தில் படித்த மகாகவி பாரதியின் வரிகளை பதிவு செய்து விடைபெறுகிறேன்.
மனம் வாடப் பழங்கதைகள் பேசும்
சில வேடிக்கை மனிதரைப் போல
வாழ்வேன் என்று நினைத்தாயோ.
எத்தனை அருமையான வரிகளை மகாகவி பாரதி எழுதி இருக்கிறார்.
படியுங்கள், சிந்தியுங்கள் விழிப்படையுங்கள்.
CLICK HERE TO DOWNLOAD THE G.O. 258 Dt.23.5.09.
தொகுப்பு: சே. தாமஸ் ராக்லண்ட்
மாநில துணை பொதுசெயலாளர்
தமிழ்நாடு அனைத்து ஆசிரியர் சங்கம். (T.A.T.A.)
2ம் பருவத்திற்கு 2.29 கோடி புத்தகங்கள்: பாடநூல் கழகம் ஏற்பாடு.
சென்னை: வரும் செப்டம்பர் இறுதியில், ஒன்பதாம் வகுப்பு வரையான மாணவர்களுக்கு வழங்க, இரண்டாம் பருவத்திற்கு, 2.29 கோடி பாடப் புத்தகங்களை அச்சிடும் பணியை, பாடநூல் கழகம், மும்முரமாக செய்து வருகிறது.
ஒன்று முதல், 9ம் வகுப்பு வரை, முப்பருவ கல்வி முறை திட்டம் அமல்படுத்தப்பட்டுள்ளது. அதன்படி, ஜூன் முதல், செப்டம்பர் வரை, முதல் பருவம்; அக்டோபர் முதல், டிசம்பர் வரை, இரண்டாம் பருவம்; ஜனவரி முதல், ஏப்ரல் வரை, மூன்றாம் பருவம் அமல்படுத்தப்பட்டு உள்ளன.
அப்பீல் மனு முடியும் வரை காத்து இருக்கக் கூடாது; குற்ற வழக்கில் தண்டனை பெற்ற உடனேயே எம்.பி., எம்.எல்.ஏ.க்களின் பதவி ரத்து - சுப்ரீம் கோர்ட்டு பரபரப்பு தீர்ப்பு
குற்ற வழக்கில் தண்டனை பெற்ற உடனேயே எம்.பி., எம்.எல்.ஏ.க்களின் பதவியை ரத்து செய்யலாம் என்றும், ஏற்கனவே அப்பீல் செய்தவர்களுக்கு இது பொருந்தாது என்றும் சுப்ரீம் கோர்ட்டு பரபரப்பு தீர்ப்பை அளித்து இருக்கிறது.
அரசியலில் கிரிமினல்களின் ஆதிக்கத்தை ஒழிக்க வேண்டும் என்ற கோரிக்கை நெடுங்காலமாக நிலுவையில் இருந்து வருகிறது. ஆனால் தண்டிக்கப்பட்ட கிரிமினல் குற்றவாளிகள்கூட எம்.பி.க்கள், எம்.எல்.ஏ.க்கள், மந்திரிகளாக பதவியில் தொடருகிற நிலை உள்ளது.
டி.இ.டி., தேர்வை வற்புறுத்தாமல் 94 பேருக்கு பணி நியமனம் வழங்க உத்தரவு
சென்னை: "ஆசிரியர் கல்விக்கான தேசிய கவுன்சில், 2010, ஆகஸ்ட்டில் பிறப்பித்த உத்தரவுக்கு முன் சான்றிதழ் சரிபார்க்கப்பட்டவர்கள், ஆசிரியர்கள் தகுதித் தேர்வை எழுத வேண்டியதில்லை" என சென்னை ஐகோர்ட் உத்தரவிட்டு உள்ளது.
இலவச கட்டாய கல்வி சட்டம், 2010, ஏப்ரல் மாதம் அமலுக்கு வந்தது. இச்சட்டத்தின்படி, இடைநிலை ஆசிரியர், பட்டதாரி ஆசிரியர்களை, ஆசிரியர் தகுதித் தேர்வு மூலம் தான் நியமிக்க வேண்டும். தமிழக அரசும், இதற்கான உத்தரவை, 2011, நவம்பரில் பிறப்பித்தது.
நீலகிரி மாவட்ட பள்ளி,கல்லூரிகளுக்கு நாளை (11.07.2013)விடுமுறை.
நீலகிரி:கனமழை காரணமாக நாளை நீலகிரி மாவட்ட பள்ளி கல்லூரிகளுக்கு விடுமுறை அளிக்கப்பட்டுள்ளது. இதற்கான அறிவிப்பினை நீலகிரி மாவட்ட கலெக்டர் அர்ச்சனா பட்நாயக் தெரிவித்தார்.
பள்ளிக்கல்வி - அகஇ சார்பில் 2013-14ம் கல்வியாண்டில் வட்டார வள மையம் / தொகுப்பு வள மையத்தில் பணிபுரிந்து வரும் ஆசிரியர் பயிற்றுநர்களை பட்டதாரி ஆசிரியர்களாக பணிமாறுதல் செய்ய பணிமூப்பு பட்டியல் வெளியீடு.
DSE - 2012-13 BRTE TO BT CONVERSION LIST RELEASED REG PROC CLICK HERE...
BRTE TO BT - TAMIL S.NO.1 TO 3
BRTE TO BT - ENGLISH S.NO.1 TO 65
BRTE TO BT - MATHS S.NO.1 TO 210
BRTE TO BT - PHYSICS S.NO.1 TO 80
BRTE TO BT - CHEMISTRY S.NO.1 TO 80
BRTE TO BT - ZOOLOGY S.NO.1 TO 30
BRTE TO BT - BOTANY S.NO.1 TO 30
BRTE TO BT - HISTORY S.NO.1 TO 2
EXPECTED DEARNESS ALLOWANCE FOR CENTRAL GOVT.EMPLOYEES FROM Existing 80% TO 90%
Since the implementation of 6CPC from 1-1-2006, the consumer price index number for industrial worker is not coming down ever but it is increasing month by month. Similarly the rate of dearness allowance paid to central government employees also increasing at the interval of every six months period.
தமிழகத்தில் 100 உயர்நிலை பள்ளிகள் தரம் உயர்வு.
சென்னை: மாநிலம் முழுவதும், 100 உயர்நிலைப் பள்ளிகள், மேல்நிலைப் பள்ளிகளாக தரம் உயர்த்தப்பட்டு உள்ளன. தரம் உயர்த்தப்பட்ட பள்ளிகளின் விவரம், சம்பந்தப்பட்ட மாவட்ட முதன்மைக் கல்வி அலுவலருக்கு தெரிவிக்கப்பட்டு உள்ளது.
வால்பாறை அருகே ஒரே ஒரு மாணவருக்காக இயங்கும் பள்ளி.
கோயம்பத்தூர் மாவட்டம் வால்பாறை அடுத்த கள்ளர்குடி என்ற பகுதியில் இயங்கும் கள்ளர்குடி பஞ்சாயத்து துவக்கப் பள்ளியில் ஒரே ஒரு மாணவர் மட்டுமே படித்து வருகிறார்.
பசுமை பள்ளி உருவாக்குவது எப்படி? தலைமை ஆசிரியர்களுக்கு பயிற்சி.
திருச்சி: பள்ளி மற்றும் சுற்றுப்புற தூய்மை, பசுமை பள்ளிகளை உருவாக்குவதற்கான வழிமுறை குறித்து, திருச்சி மாநகராட்சி கமிஷனர் தண்டபாணி, பள்ளி தலைமையாசிரியர்களுக்கு பயிற்சி அளித்தார்.
இடைநிலை ஆசிரியர்களில் புதிய நியமனதாரர்களுக்கு ஆறாவது ஊதியகுழுவினால் ஊதிய இழப்பே என்பதை விளக்கும் கட்டுரை.
ஆறாவது ஊதியக்குழு ஊதிய விகிதம் 01.6.2009 முதல் இடைநிலை ஆசிரியர்களாக புதியதாக நியமிக்கப்படடவர்களுக்கு, முந்தைய ஊதிய விகிதத்தை ஒப்பிடுகையில் ஊதிய இழப்பையே ஏற்படுத்தியுள்ளது. 1.6.2009 தேதியை கொண்டு பழைய ஊதிய விகிதம் மற்றும் புதிய ஊதிய விகிதம் இரண்டையும் ஒப்பிட்டு பார்த்தால் விளங்கும்.
தற்போது புதிய ஊதிய விகிதத்தினருக்கான D.A. அறிவித்த பின்னர் முந்தைய ஊதிய விகிதத்தில் ஊதியம் பெற்று வருபவர்களுக்காக ஒரு அகவிலைப்படி அரசாணை வெளியிடப்பட்டுவருகிறது. தற்போது 80% - க்கான D.A அரசாணை வெளியிடப்பட்ட பின்னர், முந்தைய ஊதிய விகிதத்தில் ஊதியம் பெற்றுவருபவர்களுக்காக நிதித்துறை அரசாணை 258 நாள்.14.5.2013 இல் D.A. 166% -க்காக வெளியிடப்பட்டுள்ளது. இதனடிப்படையில் ஆறாவது ஊதிய குழு ஊதிய விகிதத்தை விட, முந்தைய ஊதிய விகிதம் (பழைய ஊதிய விகிதம்) நடைமுறையில் இருந்திருந்தாலே ஊதியம் அதிகம் இருந்திருக்கும் என்பதை விளக்கிக்காட்ட விரும்புகிறேன்.
BASIC PAY = 4500
DEARNESS PAY (D.P) = 2250
D.A. 166% = 11205
___________
TOTAL 17955
____________
(D.A. நிதித்துறை அரசாணை 258 நாள்.14.5.2013 இன் படி)
ஆறாவது ஊதிய குழு ஊதிய விகிதத்தில் ஊதியம் பெறுபவர்களுக்கு ஏற்பட்டுள்ள ஊதிய இழப்பு.
BASIC = 5200
GRADE PAY = 2800
P.P. = 750
D.A. 80% = 7000
_________
TOTAL 15750
__________
ஆறாவது ஊதிய குழு ஊதிய விகிதத்தால் புதிய நியமன இடைநிலை ஆசிரியர்களுக்கு ஏற்பட்டுள்ள ஊதிய இழப்பு
17955 - 15750 = 2205
எளிதில் புரிவதற்காக 1.1.2013 D.A. அரசாணையை வைத்து விளக்கியுள்ளேன். இதே போன்று 2009 முதல் 2012 வரை அறிவிக்கப்பட்ட அகவிலைப்படி அரசாணைகளை வைத்து கணக்கிட்டு பாருங்கள். புதிய ஊதிய விகிததினருக்கு D.A.அரசானை அறிவிக்கப்பட்டு சில வாரங்களில் முந்தைய ஊதிய விகித்தினருக்கும் D.A. அரசாணை வெளியிடப்பட்டு வருகிறது.
இடைநிலை ஆசிரியர்களின் ஊதிய பாதிப்பை எங்கள் தமிழ்நாடு அனைத்து ஆசிரியர் சங்கம் (T.A.T.A.)
தங்களுக்கு கிடைத்த சந்தர்ப்பங்களை பயன்படுத்தி அரசின் கவனத்திற்கு கொண்டுசென்று வருகிறது. வேறு எந்த சங்கமும் இந்த அளவிற்கு பாதிப்பை குறிப்பிட்டு கோரிக்கை வைத்ததாக தெரியவில்லை.
எங்கள் சங்கம் மூத்த ஆசிரியர்களுக்கோ அல்லது ஒய்வு பெற்றவர்களுக்கோ எதிரானது அல்ல. அவர்களின் பணி, பெற்றுகொடுத்த பயன்கள் மறுக்கவோ, மறக்கவோ, முடியாதவைகள். இருப்பினும் பணியாளர் சங்கங்களில் பணியில் இருப்போரே அங்கமும், பொறுப்பும் வகிக்க வேண்டும் என்ற எங்களின் நிலைப்பாட்டில் தெளிவாக இருக்கிறோம்.
இதனை இங்கு ஏன் குறிப்பிடுகிறேன் என்றால்,முற்றிலும் பணியில் இருப்போரை கொண்டதாக சங்கங்கள் இருந்திருந்தால் இடைநிலை ஆசிரியர்களுக்கு ஏற்பட்டுள்ள ஊதிய பாதிப்பை அரசுக்கு தெரியப்படுத்தி பாதிப்பை சரிசெய்திருக்கலாம்.
இடைநிலை ஆசிரியர் சமுதாய தோழர்களே சிந்தியுங்கள். தமிழ்நாடு அனைத்து ஆசிரியர் சங்கம் உங்களை அன்புடன் அழைக்கிறது.
உங்கள் நண்பன்
சே. தாமஸ் ராக்லண்ட்
துணை பொதுசெயலாளர்
தமிழ்நாடு அனைத்து ஆசிரியர் சங்கம்
T.A.T.A
Subscribe to:
Posts (Atom)